शहर प्रतिनिधी

मारेगांव- शेतकऱ्याच्या शेतामधुन चोरट्यांनी रात्रीच्या वेळेस कापूस लंपास केला. शेतकरी प्रकाश श्रीनिवास जोगी सकाळी शेतीकडे गेले असता ही बाब उघडकीस आली. यावर्षी पडलेल्या पावसाने शेतकऱ्यांची कंबर आधिच मोडले आहे. करणवाडी,नरसाळा, घोडदरा या गावांच्या शिवारा लागून असलेल्या त्यांच्या शेतातील कापूस गावाजवळील चोरट्यांनीच चोरल्याचा संशय व्यक्त करत आहे

शेतकऱ्याची कापसाच्या उत्पन्नातही मोठ्याप्रमाणात घट झाली असुन जगाचा पोशिंदा कर्जाच्या खाईत लोटला जात आहेत अशातच मोठ्या कष्टाने लावलेल्या कपाशीचे भुरट्या चोरांकडून मोठ्या प्रमाणात रात्रीच्या अंधारात कापुस चोरून तो खेड्यातील खरेदी धारकांना विकत असल्याचा संशय व्यक्त केला जात आहेत.

करणवाडी येथील शेतकरी प्रकाश श्रीनिवास जोगी यांनी मारेगांव पोलीस स्टेशनला तक्रार देताना नरसाळा, करणवाडी, घोडदरा या गांवाच्या शिवा लागुन असलेल्या त्यांच्या शेतातील कापूस गावाजवळील चोरट्यांनीच चोरल्याचा तक्रार.केली आहे. तसेच परिसरात खेड खरेदी सुरू असुन ज्यांचेकडे शेती नाही तेही कापूस विकताना दिसत आहे. या प्रकारची चौकशी करून खेडा खरेदी धारकांना सुचना देण्यात याव्या कि यांच्याकडून कापूस घेण्यात येऊ नये तसेच या भुरट्या चोरांच्या चोरीला आळा.घालण्यात यावे अशा प्रकारची प्रकारची तक्रार देण्यात आली.