-शहर प्रतिनिधी

राजुरा- तालुक्यातील उपविभागीय अधिकारी कार्यालयात कार्यरत असलेले कर्मचारी यांच्यावर आज सकाळी प्राणघातक हल्ला करण्यात आला. या घटनेने शहरात एकच खळबळ उडाली आहे. हल्लेखोर आरोपीचे राजू अतकरे असे नाव आहे. ही घटना आज सकाळी 10 वाजताच्या सुमारास घडली.

सविस्तर माहिती अशी की, आज सकाळी सुभाष कन्नोजवार चौकात सलून चालक राजू अतकरे यांनी सुभाष यांच्याशी वाद केला असता किरकोळ वादातून अतकरे यांनी लोखंडी रॉडने त्यांच्या डोक्यावर वार केला व् जीवे मारण्याच्या प्रयत्न केला आहे. आजुबाजुला असलेल्या लोकांनी घटनास्थळी धाव घेउन सुभाष कन्नोजवार यांना वाचवाण्यास मदत केली. मात्र हल्ला जोरदार असल्याने कन्नोजवार गंभीर जखमी झाले असून त्यांना तत्काळ राजुरा ग्रामीण रुग्णालयात दाखल केले, पण मात्र प्रकृती गंभीर असल्याचे पाहून चंद्रपुर येथे हलवण्यात आले. दरम्यान, आरोपी राजू अतकरे यांनी कुठेही पोबारा न करता सरळ पोलिस स्टेशन गाठले, आत्मसमर्पण करुन गुन्ह्याची कबुली दिली. या प्रकरणी राजू अतकरे यांची चौकशी सुरु केली आहे असे वृत्त आहे.